Plantun de Prouvènço

Pèr coumpara dos planto d'encò nostre

Narcissus dubius & Galium lucidum

Tèsto-d'ase

Narcissus dubius

Amaryllidaceae

Autre noum : Judiéuvo.

Noms en français : Narcisse à bouquets, Narcisse de Gouan.

Descripcioun :
Mai pichoto que sa cousino la courbo-dono, la tèsto d'ase fai pamens de poulìdi flour touto blanco un cop maduro. Se destrio peréu que fai un couquet de flour e pas soulamen uno flour soulitàri. En mai d'acò si fueio soun bèn mai estrecho.

Usanço :
Touto la planto es empouisounanto e majamen la cabosso ounte s'atrobo forço acalouïde di proun dangerous. Ei pas couseia meme d'agué un couquet dins uno chambro que pau ensuca. Part acò li courbo-dono porton peréu lou noum de "mau-de-tèsto". Soun couneigudo desempièi li mège grè pèr èstre de bon boumitòri e douna uno espetaclouso fouiro. Mefisas-vous n'en.

Port : Erbo
Taio : 15 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Narcissus
Famiho : Amaryllidaceae

Coulour de la flour : Blanco
Petalo : 6
Ø (o loungour) flour : Pancaro entresigna
Flourido : Printèms Ivèr

Sòu : Ca
Autour basso e auto : Pancaro entresigna
Aparado : Noun

Liò : Garrigo - Roucaio - Paret
Estànci : Termoumediterran à Mesoumediterran
Couroulougi : Pancaro entresigna
Ref. sc. : Narcissus dubius Gouan, 1773

Reboulo(-lusènto)

Galium lucidum

Rubiaceae

Nom en français : Gaillet luisant.

Descripcioun :
La reboulo-lusènto es uno planto coumuno que trachis en mato sus li paret e li roucaio de touto meno. Èi pas di mai grando, se recounèis à si cambo e fueio primo ( = 1 mm), aquésti soun lusènto. L'enflourejado èi piramidalo e li petalo di flour soun acabado pèr uno pichoto arèsto. Coumpara emé la reboulo-di-fueio-d'espargo que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 80 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Paret - Roucaio - Tepiero seco - Relarg à jóuinis aubret
Estànci : Termoumediterran à Mountagnard
Couroulougi : Éurimediterranenco
Ref. sc. : Galium lucidum All., 1773

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Narcissus dubius & Galium lucidum

ges

Coumpara Tèsto-d'ase emé uno autro planto

Coumpara Reboulo(-lusènto) emé uno autro planto